Conte "le garçon qui criait au lop "

Un grand travail sur ce conte : "lo gojat qui cridava au lop"

Le travail final est un théatre d'ombres chinoises ...

https://www.youtube.com/watch?v=uGIvt7UaNZM

 

L’istuèra d’aqueste conte comença quan èi demandat a pairbon de me contar ua petita istuèra de la soa enfancià.

Pairbon qu’es d’Amou dens Las Lanas

La prumèra hèita qui li vien au cap qu’es lo conte de : Lo gojat qui cridava au lop !

Un còp èra, un joen aulhèr qui guardava tots los motons deus poblants deu son vilatge.

Daubuns jorns , la vita sus la sèrra qu’èra agradiva e lo temps que passava viste. Mes a còps, lo gojat que s’avejava.

Un jorn qui s’avegè hòrt , que pugè sus la sèrra qui dominava lo vilatge e bramè :

 «Au lop ! Un lop que devòra lo tropèth ! »

 

A d’aquestes mots , los poblans que sortín de las maisons e que caminèn sus la sèrra per caçar lo lop. Mes que trobèn sonque lo gojat que s’arridèva com un pèc.

Que se’n tornèn a casa hòrt esmaliciats, mentre que l’aulhèr tornava a sos motons en tot s’arríder a contunhar.

Au cap d’ua setmana, lo gojat que s’avejava enquèra,que garrapè capsús la sèrra e que’s tornè a cridar : « Au lop ! Un lop que devòra lo tropèth ! »

Un còp mei, los poblants que s’arronçèn per l’ajudar.

Mes nat lop, sonque l’aulhèr que se trufava d’eths. Furiós de se har borrar un dusau còp, que tornèn devarar au vilatge.

L’aulhèr que hasèva aquò de contunha… a cada còp los poblants s’aborriven sus la sèrra per trobar un aulhèr que s’arridèva com un pèc !

Enfin, un ser d’ivèrn, mentre que l’aulhèr  amassava son tropèth per lo tornar au cujalar, un lop vertadèr que’s sarrè deus motons…

L’aulhèr que s’esvargè a de bon.

Aqueste lop que pareishèva a ua bestiassa, e eth qu’ avè sonque lo baston per se deféner…

Que s’arronçè de la sèrra e bramè « Au lop, un lop que devòra lo tropèth ! »

 

Mes digun deus poblants que mudè…

« Enqüèra ua vielha trufandisa ! » se digón tots.

« Si i a un vertadèr lop, e ben ! Qu’a de’s minjar aqueth mensongèr d’aulhèr ! ».

E qu’ es exactament çò que hasó lo lop !

Aquesta fabla qu’ensenha que los mentidors ne ganhan pas qu’ua causa , qu’es de n’estar pas credut, quitament si disen la vertat.

E cric e crac lo men conte qu’es acabat

E crac e cric lo men conte qu’es finit

×